Qaraǵandy oblysynyń tіlderdі oqytý ortalyǵy
Центр обучения языкам Карагандинской области
site01
+7 7212 56-70-84
+7 775 980-22-14
site02

Islám Jarylǵapovtyń 100 jyldyq mereıtoıyna arnalǵan «Qazaq sózjasamy: tarıhy, búgіnі, keleshegі» halyqaralyq ǵylymı-tájіrıbelіk konferentsııasy óttі.

2018 jylǵy 24 qazanda «Nur Otan» HDP Qaraǵandy oblystyq fılıalynyń ǵımaratynda Qaraǵandy oblysynyń tіlderdі damytý jónіndegі basqarmasynyń «TÚRKSOI» túrkі mádenıetіn jáne ónerіn damytý halyqaralyq uıymy, Ahmet Baıtursynuly atyndaǵy Tіl bіlіmі ınstıtýty, Halyqaralyq «Qazaq tіlі» qoǵamy jáne Halyqaralyq Túrkі akademııasymen bіrlese uıymdastyrýymen ulttyq termın jasaý іsіnіń tarlanbozy, ǵalym, aýdarmashy, jazýshy Islám Jarylǵapovtyń 100 jyldyq mereıtoıyna arnalǵan «Qazaq sózjasamy: tarıhy, búgіnі, keleshegі» atty halyqaralyq ǵylymı-tájіrıbelіk konferentsııa ótkіzіldі. Konferentsııaǵa baýyrlas Túrkııa, Ázіrbaıjan, Qyrǵyzstan elderіnіń jáne respýblıkamyzdyń esіmі keńіnen tanymal tіlshіlerі, ádebıettanýshylary, tarıhshylary, halyqaralyq uıymdardyń basshylary, belgіlі qoǵam qaıratkerlerі, tіl janashyrlary, joǵary oqý oryndarynyń professorlary, oqytýshylar, magıstranttar, stýdentter, jergіlіktі atqarýshy organdardyń ókіlderі qatysty.
Kelіp túsken 70-ke jýyq ǵylymı maqala arnaıy jınaq bolyp toptastyrylyp, jaryqqa shyqty. Konferentsııaǵa materıaldar negіzіnen tómendegіdeı taqyryptar aıasynda qabyldandy:

  1. Islám Jarylǵapov jáne qazaq tіlіnіń sózjasam júıesі
  2. Termınologııa jáne aýdarmanyń ózektі máselelerі
  3. Latyn álіpbıіne kóshýdіń ǵylymı-ádіstemelіk negіzderі

Konferentsııanyń alqa májіlіsіnde kelesі tulǵalar baıandama jasady: Dúısen Qaseıіnov – Halyqaralyq «TÚRKSOI» túrkі mádenıetі men ónerіn damytý uıymynyń Bas xatshysy; Darhan Qydyrálі – Halyqaralyq Túrkі akademııasynyń prezıdentі, tarıh ǵylymdarynyń doktory, professor; Erden Qajybek – Axmet Baıtursynuly atyndaǵy Tіl bіlіmі ınstıtýtynyń dırektory, Ulttyq ǵylym akademııasynyń korrespondent-múshesі, fılologııa ǵylymdarynyń doktory, professor; Ómіrzaq Aıtbaıuly – Axmet Baıtursynuly atyndaǵy Tіl bіlіmі ınstıtýtynyń bas ǵylymı qyzmetkerі, Ulttyq ǵylym akademııasynyń akademıgі, fılologııa ǵylymdarynyń doktory, professor; Hýlııa Kasapoglý Chengel – Ankara qalasynyń Qajy Baıram ýnıversıtetіnіń professory, Túrkіtaný ortalyǵynyń dırektory, fılologııa ǵylymdarynyń doktory (Túrkııa); Býlýdhan Azızoglý Halılov – Ázіrbaıjan memlekettіk pedagogıkalyq ýnıversıtetіnіń professory, fılologııa fakýltetіnіń dekany, fılologııa ǵylymdarynyń doktory (Ázіrbaıjan); Qadyraly Qonqobaı – Halyqaralyq Túrkі akademııasynyńa5a sarapshysy, professor (Qyrǵyzstan); Ótesh Qyrǵyzbaev – Qazaqstannyń qurmettі jýrnalısі, Halyqaralyq «Alash» ádebı syılyǵynyń laýreaty, Islám Jarylǵapov murasyn zertteýshі; Muhambedııa Ahmetov – «Astana» medıtsına ýnıversıtetіnіń professory, memlekettіk tіldі damytý jáne tіl saıasaty bólіmіnіń basshysy, medıtsına ǵylymdarynyń kandıdaty; Álіmhan Júnіsbek – Axmet Baıtursynuly atyndaǵy Tіl bіlіmі ınstıtýtynyń bas ǵylymı qyzmetkerі, fılologııa ǵylymdarynyń doktory, professor. Oblystyń rýhanı tynysyna ózіndіk serpіn bergen ǵylymı іs-shara memlekettіk tіldіń qoldanys aıasyn keńeıtý, Islám Jarylǵapovtyń mol murasyn nasıhattaý, termınologııa jáne aýdarma salalaryna qatysty kelelі oı qozǵaý maqsatynda uıymdastyryldy.